Mengjesi ne hotel Pas mëngjesit në hotel nisemi kësaj radhe drejt veriut të ishullit në Tsilivi Beach një tjetër plazh shume i frekuentuar në ishull. I pozicionuar në pjesën veri-lindore të Zakynthos dhe rreth 10 km nga Zante, Tsilivi Beach me ujëra të ngrohta të detit Jon, ofron infrastrukturë dhe një kulinari tradiconale të shumëllojshme. Të rinjtë dhe fëmijët mund të argëtohen me sportet e shumta ujore që mundësohen rreth plazhit. Kohë e lirë për plazh deri pasdite dhe kthimi në hotel. Opsionale: Ekskursion ne ishullin e Kefalonias, për klientet që dëshirojnë të vizitojnë një tjetër ishull magjepsës të Greqisë. Udhëtimi ynë fillon në orën 08:30 me startimin nga hoteli dhe në orën 08:30 nga porti i Zantes nisemi drejt Kefalonias ku mbërrimë rreth orës 09:00 të mëngjesit. Ndalesa e parë do jetë në shpellën befasuese të Drogaratit, e famshme për stalaktitet dhe stalagmite, si edhe akustikën ku soprano e njohur e shekullit ’20 Maria Kallas realizojë në këtë shpellë një nga koncertet e saj. Më pas do i drejtohemi një tjetër shpelle mahnitëse dhe unike, Melissani. Shpella ka nje liqen nëntokësor, dhe tavani i shpellës ka një kurorë të carë e cila lejon që rrezet e djellit dhe gjelbërimi të japin imazhin e një xhugle. Agia Efthimia, qyteza me një bregdet romantik do jetë ndalesa për të konsumuar drekën në një nga tavernat e zonës, ndalesë e planifikuar 1 orë. Pas drekës sonë nisemi në jugperëndim drejt kryeqytetit të ishullit, Argostoli. Aty do të keni mundësinë të shëtisni, bëni disa pazare ose pini një kafe në një nga shumë kafenetë me arredimin karakteristike të zonës. Kjo vizitë nuk do të jetë e plotë pa një ndalesë fotografike në të famshmin Plazhi i Myrtos ku nëse koha e lejon, do të kalojmë nga plazhi Sami dhe Lassi per nje pamje panoramike. Turi ynë përfundon përsëri në Poros, ku do të jetë anija duke pritur për t’ju kthyer në Zakynthos. Nisemi nga Kefalonia në orën 18:00 dhe mbërrijmë në Zakynthos në orë 19:00. (Kjo shëtitje e mrekullueshme kushton 55 eur për të rritur dhe 35 eur për fëmijët (4 – 10 vjec) dhe përfshin biletën e tragetit). Mbrëmje e lirë për të frekuentuar jetën e natës në Zante.